مصر سات لينكس - شرح خاصية التايم شيفت الفوريفر والأشباه

خاصية التايم شيفت TIME SHIFT

طيب الأول معناها ايه خاصية التايم شفت وأيه فايدتها :

باختصار تخيل انك بتتفرج على فيلم جامد وجه معاد الصلاة وخايف يفوتك اخر 5 دقايق مثلا فبتدوس على زر الايقاف وتروح تصلى ولما ترجع تدوس عليه تانى يبدأ يعرضلك من ساعة ماوقفته وبكده مفيش حاجة تفوتك
طيب ازاى نشغلها ؟

لو بصيت فى الكاتالوج حتحس كده انها عملية ملعبكة وبيتكلموا عنها فى اكتر من صفحة فحنحاول نلم الموضوع فى الاتى :

اولا : نتأكد من ضبط الاعدادات كالأتى ( الاعدادات دى هى ضبط المصنع يعنى ال default يعنى مش حتغير حاجة فيها اصلا بس مجرد حتتأكد انها مضبوطة ) وطبعا لازم الفلاشة تكون راكبة لانه بيستخدمها فى حفظ ملفات التسجيل المؤقتة عليه

http://www4.0zz0.com/2012/07/04/21/331083012.jpg
ونمسك الريموت وان شاء الله حنستخدم الزراير اللى متعلم عليها بالأسهم

ثانيا : مثلا الماتش اللى حنعرض لقطاته ده وقفت العرض عند الدقيقة 82 عن طريق زرار الايقاف المؤقت فى الريموت (السهم الاصفر ) ورحت اتكلمت فى الموبايل ورغيت شوية

http://www4.0zz0.com/2012/07/04/21/863215480.jpg

ورجعت دوست تانى على نفس الزرار فحنلاقيه يكمل عرض عند الدقيقة 86 وده شئ طبيعى طبعا

( طيب والاربع دقايق اللى راحوا عليا !! ) متخافش حتدوس على زرار التايم شفت (السهم الاحمر ) حيعرضلك شريط شكله كده وموضح عليه الوقت اللى اتسجل تقريبا اربع دقايق ومقسمه مقاطع

http://www4.0zz0.com/2012/07/04/22/292066483.jpg
ثالثا : بسهولة تستخدم زرار الترجيع ( السهم الازرق ) حيرجعلك المقطع اللى انت عايزه او تدوس زرار التقديم ( السهم الاخضر ) لو حسيت ان الجزء اللى فاتك كان ممل ومايستهلش

ملحوظة هامة : العيب الوحيد للعملية دى هى ان الملف اللى بييستخدم للتسجيل المؤقت بيبقى حجمه كبير الى حد ما فانا سجلت حوالى 6 دقائق لقيت الملف حجمه 250 ميجا واكبر فترة للتسجيل المؤقت هى 120 دقيقة يعنى لو حتستخدم الخاصية دى لترجيع ساعتين يبقى عايزلك فلاشة فاضية على الاقل 16 جيجا ( احتمال يكون كبر حجم الملف راجع انى سجلت من قناة HD )